Manuel María e os viños de Rías Baixas

Rescatamos o pregón orixinal que o poeta chairego Manuel María, homenaxeado este ano no Día das Letras Galegas, pronunciou na Festa do Albariño Rías Baixas de 1986

 

Cada viño, como cada terra e como cada home, ten a súa personalidade. Os viños galegos son mansos, dóciles, tolerantes e humanos como somos nós. Teñen o gosto agridoce da saudade melancólica e a prodixiosa cór da paisaxe

O autor destas verbas é Manuel María, poeta chairego ó que se lle adica hoxe o Día das Letras Galegas e que nunca ocultou a súa devoción polo mundo do viño galego en xeral, e dos Rías Baixas en particular. Uns viños ós que louvou amplamente nun sentido parzamique -neste artigo podes consultar o texto orixinal- que pronunciou na Festa do Albariño Rías Baixas, hai agora tres décadas.

ManuelMariaCambados

O poeta chairego Manuel María, durante a festa da que foi pregoeiro no 1986

Grazas á colaboración da Concellaría de Cultura de Cambados tivemos a oportunidade de rescatar este histórico documento, que data do 1986, cando aínda o Consello Regulador da Denominación de Orixe Rías Baixas non se constituíra oficialmente. A Festa do Albariño, que así se denominaba naquela época, chegaba á súa trixésimo cuarta edición e contou co salientable escritor como pregoeiro, quen só tivo louvanzas para os Rías Baixas, definíndoos como “grandes viños”. Velaquí o documento orixinal do pregón que o salientable autor chairego utilizou para a ocasión escrito a máquina e cunhas acotacións a pé de páxina realizadas polo propio Manuel María:

Manuel María pregón 1986

 

Non cabe dúbida de que o albariño é un viño escepcioal. O mellor agasallo que se lle pode ofrecer a calqueira. Un ten cavilado moitas veces que a única e verdadeira eternidade que os deuses lle poden conceder a un mortal é o amor, gozar do albariño, a conversa con amigos xenerosos, sensibles e intelixentes e o disfrute dos dons e da paisaxe destas terrras (…), nas que os ollos non poden desexar máis beleza e onde todo está feito, dun xeito insuperable, a medida do home. Non cabe no mundo máis perfección. E sen viño, sen un grande viño, non pode darse a perfección. Un viño que se entrega á nosa sede tal e como é, sen que sexa preciso tocar pra nada a súa pureza orixinal

 

Unhas verbas que xunto coas referencias a outros autores tamén homenaxeados nas Letras Galegas coma Álvaro Cunqueiro ou Ramón Cabanillas completaron un emotivo pregón que simboliza á perfección o sentir de Manuel María polos viños de Rías Baixas… En definitiva, pola súa terra.

Deja un comentario

Tu dirección de correo electrónico no será publicada. Los campos obligatorios están marcados con *